corona : प्रदेश म फेर होय हे कोरोना के 324 नवा मामला के पुष्टि, राजधानी म घलो 109 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।

राज्य म सनिच्चर के देर शाम तक कोरोना के 324 नवा मरीज के पहचान होय हे। उहचे 263 मरीज मन ह कोरोना ले जंग जीत गे हे,

जेखर बाद ओ मन ल अस्पताल ले डिस्चार्ज कर दे गे हे। जबकि रायपुर अउ जगदलपुर म दू लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 109, राजनांदगांव ले 58, रायगढ़ ले 19, बलौदाबाजार अउ सुकमा ले 18-18, दुर्ग ले 17, बस्तर ले 14, बिलासपुर ले 9, गरियाबंद अउ कांकेर ले 7-7, नारायणपुर ले 5, बीजापुर अउ जशपुर ले 4-4, बालोद, धमतरी, कोरबा, जांजगीर-चांपा, कोरिया, बलरामपुर अउ दंतेवाड़ा ले 2-2, मुंगेली, सरगुजा अउ आन राज्य ले 1-1 मरीज शामिल हे।

बता देन कि राज्य में कोरोना (corona) संक्रमित मरीज मन के कुल संख्या ह 11743 पहुंच गे हे। जेमा ले 3072 एक्टिव मामला हे।
उहचे 8582 लोगन मन ल बने होय के बाद डिस्चार्ज कर दे गे हे। ए वायरस ले राज्य में अब तक 89 लोगन मन के जान चले गे हे।