corona : धमतरी म फेर कोरोना के दू नवा मरीज के होइस पहचान
जय जोहार…. छत्तीसगढ़ म कोरोना (corona) संक्रमित मन के संख्या ह सरलघा बाढ़त जावत हे।
आज धमतरी जिला म कोरोना के दू नवा मरीज ह सामने आय हे। एमा ले ग्राम कंडेल के आर्मी के जवान हे। उहचे दूसर संक्रमित ह कुरुद ब्लाक के ग्राम नारी के रहवइया हे।
जिला के मुख्य स्वास्थ्य अउ चिकित्सा अधिकारी डॉ डीके तुर्रे ह बताइस कि ग्राम कंडेल के रहवइया जवान ह दू-तीन दिन पहिले असम ले आय रिहिस।
ओखर नौकरी ह असम म हे। इहां आय के बाद ओला क्वारेंटाइन म रखे गे रिहिस, जेखर रिपोर्ट ह आज (corona) पाजिटिव आय हे।
संक्रमित जवान ल धमतरी के बठेला के कोविड अस्पताल म भर्ती कराय गे हे।
वो हा बताइस कि कुरुद ब्लाक के ग्राम नारी म जेन कोरोना (corona) पाजिटिव मरीज मिले हे, ओ हा तीन दिन ले रायपुर के मेकाहारा अस्पताल म भर्ती हेए बात के पुष्टि ह हमर मन के पास नई हे, लेकिन जानकारी मिले के बाद ओखर घरवाला ल क्वारेंटाइन करे बर स्वास्थ्य विभाग के अधिकारी मन ल बोल दे गे हे।
