chhattisgarh म आज मिले हे कोरोना के 35 नवा मामला, पढ़व

जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म आज कोरोना के 35 नवा मामला मिले हे । जबकि 6 मरीज ल ठीक होए के बाद ओमन ल डिस्चार्ज कर दे गेहे। उहें राज्य म आज कोरोना ले कोनो के मउत नई होए हे।

प्रदेस म आज कोरोना के जेन नवा मरीज मिले हे, ओमा दुर्ग ले 3, राजनांदगांव ले 2, बेमेतरा ले 1, रायपुर ले 9, धमतरी ले 5, बिलासपुर ले 4, जांजगीर -चांपा ले 2, कोरिया ले 1, जशपुर ले 2, कोंडागांव ले 4 अउ कांकेर ले 2 मरीज सामिल हे।

बता देन कि प्रदेस म कोरोना मरीज के कुल संख्या 11 लाख 77 हजार 926 हो गेहे। जेमा ले 91 एक्टिव मामला हे । जबकि 11 लाख 63 हजार 688 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14147 मरीज के मउत हो गेहे।