transfer : 37 आईएएस अफसर मन होगे एति ले ओती, सर्वेश्वर भूरे ह संभालही राजधानी
जय जोहार। (transfer) प्रदेस म राज्य सरकार ह ए बछर के सबले बड़का प्रसासनिक फेरबदल करे हे । भारतीय प्रसासनिक सेवा (IAS) संवर्ग के 37 अफसर मन के तबादला होगे हे। एमा 19 जिला के कलेक्टर घलो सामिल हे । ए संबंध म सामान्य प्रसासन विभाग डहार ले मंगलवार के आदेस जारी करे गेहे। ए आदेस म रायपुर कलेक्टर सौरभ कुमार ल अब बिलासपुर के कलेक्टर बना दे गेहे। उहें सर्वेश्वर नरेंद्र भूरे ल रायपुर कलेक्टर के जिम्मेदारी मिले हे । भूरे अभी तक दुर्ग जिला के कलेक्टर रिहीन ।
(transfer) कोरबा कलेक्टर रानू साहू ल अब रायगढ़ के कलेक्टर बना दे गेहे । उहें सरगुजा कलेक्टर संजीव कुमार झा ल कोरबा कलेक्टर के जिम्मेदारी दे गेहे । राजनांदगांव कलेक्टर तारण प्रकाश सिन्हा ल घलो बदल दे गेहे । ओला अब जांजगीर-चांपा के कलेक्टर बनाय गेहे ।
(transfer) बलौदाबाजार-भाटापारा के कलेक्टर डोमन सिंह ल राजनांदगांव के जिम्मेदारी मिले हे । दुर्ग जिला के कमान पुष्पेंद्र कुमार मीणा ल मिले हे । मीणा अभी कोण्डागांव के कलेक्टर रिहीन ।
