जय जोहार। (chhattisgarh) भेंट-मुलाकात बर कोरिया जिला के भरतपुर-सोनहत विधानसभा क्षेत्र पहुंचीन मुख्यमंत्री भूपेश बघेल ह बड़का घोसना करे हे। बहरासी गांव म मुख्यमंत्री ह जनकपुर गांव ल नगर पंचायत के दर्जा दे के घोसना करीन ।
वो हा रामदहा ल पर्यटन केंद्र के तौर म विकसित करे के घलो घोसना करीन । रामदहा ए घोसना के बाद अब जल्दीच ही रामदहा म पर्यटन सुविधा के विकास करे जाही ।
बहरासी म ये घोसना घलो
विधानसभा क्षेत्र के सबो गांव म देवगुड़ी के निर्माण बर पांच-पांच लाख रुपिया के स्वीकृति। बहरासी हायर सेकंडरी स्कूल के नवा भवन बनही । जनकपुर -कोटाडोल सड़क के प्रभावित के मुआवजा बर तीन करोड़ रुपिया के घोसना । माड़ीसराई म विद्युत उपकेंद्र बनही।
क्षेत्र के बिजलीविहीन 26 ठीन गांव म बिजली पहुंचाय जाही । केल्हारी म जिला सहकारी बैंक के शाखा खोले जाही । केल्हारी म स्वामी आत्मानंद अंग्रेजी माध्यम स्कूल खोले जाही । कुवांरपुर अउ नागपुर ल उपतहसील के दर्जा दे जाही ।
No Comment! Be the first one.