जय जोहार…. बलौदाबाजार जिला म पिछले 24 घंटा म कोरोना के 38 नवा संक्रमित मरीज के पहचान होय हे। आज दोपहर दू बजे तक 22 नवा कोरोना मरीज मन के जिला प्रशासन ह पुष्टि करे हे। मंगलवार रात के घलो 16 नवा कोरोना मरीज ह मिले रहिस। एखर संग जिला म अब तक 58 संक्रमित मरीज ह मिले हे। जबकि सक्रिय केस 50 हे। ऊहचे ए संक्रमण ले आठ मरीज ह स्वस्थ होके अपन घर लहुट चुके हे।
आज बिलाईगढ़ विकासखण्ड के अंतर्गत गांव बोड़ा ले एक, बिनोधा ले एक, डोंगिया ले एक, बलौदाबाजार विकासखण्ड के अंतर्गत लवन ले सात, धाराशिव ले पांच, कसडोल विकासखण्ड के अंतर्गत ग्राम नरधा ले पांच, भाटापारा ले दू नवा मरीज मिले हे। ए सब्बो मरीज ह क्वारेंटाइन सेन्टर म रहिस। सिरिफ एक मरीज ह भाटापारा के होम क्वारेंटाइन म रहिस।
