corona: प्रदेस म आज होय हे कोरोना के 38 नवा मरीज के पहिचान, पढ़व

जय जोहार… (corona) प्रदेस म आज कोरोना के 38 नवा मरीज के पहिचान होय हे। उहें 16 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 13, रईपुर ले 5, बलौदाबाजार ले 1, बिलासपुर ले 3, रायगढ़ ले 2, जांजगीर -चांपा ले 1, बलरामपुर ले 2, बस्तर ले 4, कांकेर ले 2 , बीजापुर ले 1 अउ दूसर राज्य ले 4 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 773 हो गे हे, जेमा ले 206 एक्टिव मामला हे। उहें 9 लाख 91 हजार 995 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13572 मरीज के जान चले गेहे।