जय जोहार… (corona) प्रदेस म आज कोरोना के 39 नवा मरीज सामने आय हे। उहें 192 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।
प्रदेस म आज जेन कोरोना (corona) के नवा मरीज मिले हे, ओमा रईपुर ले 1, धमतरी ले 1, गरियाबंद ले 2, बिलासपुर ले 4, कोरबा ले 6, जांजगीर-चांपा ले 2, सरगुजा ले 4, सूरजपुर ले 1, जशपुर ले 4, बस्तर ले 4, कोंडागांव ले 1, दंतेवाड़ा ले 2, सुकमा ले 1, कांकेर ले 1, नारायणपुर ले 1, बीजापुर ले 4 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 183 हो गे हे, जेमा ले 709 एक्टिव मामला हे। उहें 9 लाख 89 हजार 920 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13554 मरीज के जान चले गे हे।
