corona: देस म 24 घंटा म मिले हे कोरोना के 25 हजार ले जादा नवा मामला, 354 संक्रमित के होगे मउत

जय जोहार…. (corona) देस म बीते 24 घंटा म कोरोना के 25 हजार ले जादा नवा मामला मिले हे । उहें 39486 मरीज मन ह कोरोना ल मात दे दे हे, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 354 संक्रमित मन के मउत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 25 हजार 539 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 24 लाख 74 हजार 773 हो गे हे। जेमा ले तीन लाख 19 हजार 551 एक्टिव मामला हे।

उहें 3 करोड़ 17 लाख 20 हजार 112 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक चार लाख 35 हजार 110 मरीज के मउत हो गे हे।