तेज रफ्तार बस ह बाइक सवार ल मारिस टक्कर, 3 के मउत

जांजगीर चांपा. ओड़िशा ले बिलासपुर जावत रिहिस महाराजा ट्रैवल्स के तेज रफ्तार बस ह बाइक सवार ल जोरदार टक्कर मार दिस, जेखर ले बाइक सवार 3 झन में से दू झन के मौका म ही मउत होगे अउ एक झन ल गंभीर हालत म इलाज कराए बर बिलासपुर लेगत रहीस, उहू ह रस्ता में ही दम तोड़ दिस। ये हादसा मुलमुला थाना क्षेत्र के आदर्श ढाबा के पास होईस हे।

ये दरदनाक हादसा के बाद बस चालक ह मुलमुला थाना म बस समेत आत्मसमर्पण करिस हे। ये घटना के बाद बस म सवार यात्री मन ल अपन गंतव्य स्थान पहुंचे बर कई घंटा ले मशक्कत करना पडिस हे।