40 ले अधिक जगा म चले रहिस हे जागरूकता अभियान….. फेर नइ थमे हे ऑनलाइन एटीएम ठगी

रायपुर। राजधानी म ऑनलाइन ठगी के मामला ह थमत हुए नजर नइ आवत हे।  एखर ले आम लोगन के संग-संग  पुलिस प्रसासन घलो परेसान हे। पुलिस के तीर हर  दूसर दिन ऑनलाइन एटीएम ठगी के सिकायत पहुंचत हवय।  अश्वनी राठौर, क्राइम ब्रांच प्रभारी रायपुर ह  बताइस के , ऑनलाइन एटीएम ठगी ले बचे बर राजधानी के पुलिस ह जागरूकता अभियान चलाय रहिस हे। लेकिन एकर असर देखे ल नइ मिलत हे। उहें  लोग अब घलो ठगी के जाल म फंसत जात हे।

बता दन के, एखर बड़े वजह का हे, बैंकिंग प्रक्रिया मन के जानकारी ना होना। अभे हाल म पुलिस के तीर 20 ले अधिक सिकायत हवय। जेखर आरोपी मन के अब तक पता नइ चल पाए हे।  गउरतलब हे के 2 दिन पहिली  अवधियापारा निवासी दिवंगत हवलदार के पत्नी गायत्री राजपूत के खाता ले अज्ञात व्यक्ति ह बैंक अधिकारी बनके सवा 2 लाख रुपिया पार कर दिस। गायत्री के अलावा कई अउ एटीएम फ्रॉड के सिकार होए हे, जे पुलिस परिवार ले जुड़े हवय। जेमा पुलिस के साइबर टीम जांच म लगे हुए हे। तब पुलिस वाला ल याद आइस के , दिल्ली म ठगी के मामला बढ़त  जात हे।

राजधानी पुलिस ह पाछु साल गांव ले लेके  सहर तक जागरूकता अभियान चलाय गिस हे। जेमा ऑनलाइन एटीएम फ्रॉड, नउकरी के नाम म ठगी के बारे म बताय गिस। एह अभियान 40 ले अधिक जगा म चले रहिस हे।  उहें अलग-अलग कॉलोनी व मोहल्ल मन म बइठके ऑनलाइन एटीएम ठगी अउ अन्य ठगी के बारे म जानकारी घलो दे गिस। लेकिन एखर असर नइ दिखत हे। बैंक अधिकारी बन के लोगन ल फंसात हे अपन जाल म- ऑनलाइन एटीएम ठगी के सबो मामला के  जांच म ए आघू आइस के, आरोपी उहीं बैंक के अधिकारी बनके लोग मन के फोन करत हे। जेखर ले पीड़ित व्यक्ति ल यकीन हो जाथे, अउ अपन एटीएम कार्ड के गोपनीय जानकारी आरोपी ल दे देथे।

दिल्ली बनिस ठग मन के अड्डा ……

एटीएम ठगी म अधिकांस गिरोह झारखंड के जामताड़ा के आसपास के जिला म सक्रिय हे। लेकिन पाछु साल ले कुछ ठग मन ह  दिल्ली ल अपना अड्डा बना ले हे। ए गिरोह कॉल सेंटर के आड़ म बैंक अधिकारी बनके लोगन ल अपन झांसा म लेवत हे।  बैंक अधिकारी बनके ठगी करइया ले सतर्क रहे के अपील करे हे।  कोनो तरह के एटीएम के गोपनीय जानकारी फोन पर न देवय, बल्कि संबंधित बैंक म जाके जानकारी देवय। उहें मोबाइल म आवइया  ओटीपी नंबर कोनो न ना बतावय।