मरवाही के कारीआम पहुंच गे हे 40 हाथी के दल , वन अमला के उड़िन हे नींद

बिलासपुर। मरवाही वन मंडल म चहलकदमी करे के बाद 40 हाथियों के दल ह गौरेला के ग्राम पंचायत बेलपत होवत कारीआम पहुंच गे हे। जेखर सती वन विभाग के करमचारी अउ अधिकारी मन के नींद ह उड़ गे हे अउ हाथी मन ऊपर लगातार नजर रखे हंवय।

बतात हे कि वन परिक्षेत्र खोडरी कक्ष क्रमांक 2128 म करीब 40 हाथियों के दल ह रूके रिहिस, जेखर बाद आरएमके के सड़क ल पार कर आगे चले गिस। मरवाही वनमंडल अधिकारी माथेसरन वी ह बताईन कि कोरबा जिला के पसान ले वन मंडल के सीमा म विचरण करत बच्चा समेत 40 हाथी के दल ह मरवाही वनमंडल म घूमत हे। इतवार के दिन खोडरी वन क्षेत्र के कारीआम म देखे गे हे।

बीट रेंजर महिपाल के संग टीम ह हाथी ऊपर नजर रखे हंवय। विभाग ह गांव के आसपास मुनादी करवा के गांव वाले मन ल हाथी के दल ले धुरिया रहे बर अपील करत हे। हाथी के दल ले अभी तक कोनो प्रकार के मानवीय संघर्ष अउ क्षति के खबर नई मिले हे।