Corona: प्रदेश म पिछिले 24 घंटा म होय हे कोरोना के 413 नवा मामला के पहचान, रायपुर म घलो 99 पाजिटिव

जय जोहार…. प्रदेश म पिछले 24 घंटा म कोरोना (corona) के 413 नवा मामला के पहचान होय हे। उहचे 502 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 5 लोगन मन के जान चले गे हे।

बीते 24 घंटा म कोरोना (corona) के जेन नवा मरीज मिले हे, ओमा रायपुर ले 99, दुर्ग ले 75, रायगढ़ ले 31, कोंडागांव ले 27, बलौदाबाजार ले 26, बिलासपुर ले 17, महासमुंद अऊ राजनांदगांव ले 15-15, धमतरी अऊ सूरजपुर ले 14-14, कोरबा ले 10, सरगुजा ले 9, जांजगीर-चांपा ले 8, बेमेतरा अऊ कबीरधाम ले 7-7 मरीज सामिल हे।

बता देन कि प्रदेश म कोरोना (corona) संक्रमित मन के संख्या ह 3 लाख 05 हजार 102 हो गे हे। जेमा ले 4260 एक्टिव मामला हे। उहचे 2 लाख 97 हजार 144 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 3698 लोगन मन के मौत हो गे हे।