corona: देस म बीते 24 घंटा म होय हे कोरोना के 42 हजार नवा मरीज के पहचान, 1167 संक्रमित के हो गे मौत

जय जोहार…. (corona) देस म बीते 24 घंटा म कोरोना के 42 हजार ले जादा नवा मामला के पहचान होय हे। उहें 81 हजार 839 मरीज ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान 1167 संक्रमित मन के मौत हो गे हे।।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 42 हजार 640 नवा मरीज मिले हे, एला मिला के देस म कोरोना संक्रमित मन के संख्या ह 2 करोड़ 99 लाख 77 हजार 861 हो गे हे। जेमा ले 6 लाख 62 हजार 521 एक्टिव मामला हे।

उहें 2 करोड़ 89 लाख 26 हजार 038 मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 89 हजार 302 मरीज के मौत हो गे हे।