corona : प्रदेस म बीते 24 घंटा म सामने आय हे कोरोना के 421 नवा मामला, 2 मरीज के होगे मउत

जय जोहार… (corona) प्रदेस म बीते 24 घंटा म कोरोना के 421 नवा मरीज सामने आय हे। उहें 1166 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 2 मरीज के मउत हो गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 13, राजनांदगांव ले 19, बालोद ले 5, बेमेतरा ले 19, कबीरधाम ले 5, रईपुर ले 51, धमतरी ले 6, बलौदाबाजार ले 30, महासमुंद ले 4, गरियाबंद ले 3, बिलासपुर ले 31, रायगढ़ ले 7, कोरबा ले 37, जांजगीर-चांपा ले 5, मुंगेली ले 28 , गौरेला-पेंड्रा-मरवाही ले 11, सरगुजा ले 17, कोरिया ले 7, सूरजपुर ले 31, बलरामपुर ले 12, जशपुर ले 19, बस्तर ले 7, कोंडागांव ले 11, दंतेवाड़ा ले 3, कांकेर ले 28, नारायणपुर ले 7, बीजापुर ले 5 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 48 हजार 301 होगे हे, जेमा ले 4056 एक्टिव मामला हे। उहें 11 लाख 30 हजार 227 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14018 मरीज के जान चले गेहे।