chhattisgarh : सीएम ह आज पशुपालक ग्रामीण, स्व-सहायता समूह अउ गौठान ल ऑनलाइन जारी करही 10.14 करोड़ रुपिया
जय जोहार। (chhattisgarh) मुख्यमंत्री भूपेश बघेल ह आज बिहनिया 11 बजे अपन निवास कार्यालय म गोधन न्याय योजना के रासि अंतरण कारीकरम के तहत पशुपालक ग्रामीण, गौठान ले जुड़े महिला समूह अउ गौठान समितिय ल 10 करोड़ 14 लाख रुपिया के रासि ल ऑनलाइन जारी करही।
(chhattisgarh) जेमा 16 जनवरी ले 15 फरवरी तक राज्य के गौठान म पशुपालक ग्रामीण, किसान, भूमिहीन ले गोधन न्याय योजना के तहत क्रय करे गोबर के एवज म 5 करोड़ 62 लाख रुपिया भुगतान, गौठान समिति ल 1.88 करोड़ अउ महिला समूह ल 2.75 करोड़ रुपिया के लाभांस रासि सामिल हे ।
उल्लेखनीय हे कि (chhattisgarh) गोधन न्याय योजना के तहत गौठान म ग्रामीण ले 2 रुपिया के दर ले गोबर के खरीदी करे जावत हे। राज्य म ए योजना के सुरूआत 20 जुलाई 2020 के हरेली तिहार के होय रिहीन । 15 जनवरी तक ख़रीदे गोबर के एवज म गोबर बेचइया ल 122.17 करोड़ रुपिया के भुगतान घलो करे जा चुके हे । 18 फरवरी के गोबर विक्रेता ल 5 करोड़ 62 लाख रुपिया के भुगतान होय के बाद ये आंकड़ा बाढ़के 127.79 करोड़ रुपिया हो जाही ।
