corona: सरलघा बाढ़त जावत हे कोरोना संक्रमित, छत्तीसगढ़ म फेर होय हे 428 नवा मरीज के पहचान, राजधानी म घलो 217 पाजिटिव

जय जोहार… प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। आज प्रदेश म कोरोना के 428 नवा मरीज के पहचान होय हे।

उहचे 189 मरीज मन ल बने होय के बाद अस्पताल ले डिस्चार्ज कर दे गे हे। ए दौरान चार मरीज मन के इलाज के दौरान मौत हो गे हे।

आज जेन कोरोना (corona) के नवा मरीज मिले हे, ओमा ले रायपुर ले 217, दुर्ग ले 49, बिलासपुर ले 25, रायगढ़ ले 18, राजनांदगांव ले 16, सरगुजा अउ कोंडागांव ले 14-14, महासमुंद ले 13, सुकमा ले 9, कबीरधाम अउ बलौदाबाजार ले 7-7, कोरिया ले 6 अउ नारायणपुर ले 5, गरियाबंद, सूरजपुर, कांकेर, अउ आन राज्य ले 4-4, बेमेतरा ले 3, बालोद, धमतरी अउ जांजगीर-चांपा ले 2-2, बलरामपुर अउ जशपुर ले 1-1 मरीज शामिल हे।

बता देन कि प्रदेश म कोरोना (corona) संक्रमित मन के संख्या ह बाढ़ के 14987 पहुंच गे हे। जेमा ले 4807 एक्टिव मामला हे।

उहचे 10046 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 134 लोगन मन के जान चले गे हे।