Corona: प्रदेश म बीते 24 घंटा म होय हे कोरोना के 439 नवा मरीज के पहचान, राजधानी म घलो 96 पाजिटिव
जय जोहार…. प्रदेश म पिछिले 24 घंटा म कोरोना (corona) के 439 नवा मरीज सामने आय हे। उहचे 427 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1 संक्रमित के मौत हो गे हे।
बीते 24 घंटा म कोरोना (corona) के जेन नवा मरीज मिले हे, ओमा रायपुर ले 96, दुर्ग ले 57, बिलासपुर ले 35, रायगढ़ ले 33, बलौदाबाजार ले 31, महासमुंद ले 25, सरगुजा ले 23, सूरजपुर ले 18, धमतरी ले 17, राजनांदगांव ले 15, जशपुर ले 13, कोरबा ले 12, बेमेतरा ले 11, जाजगीर-चांपा अऊ बलरामपुर ले 10-10 मरीज सामिल हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 97 हजार 868 हो गे हे। जेमा ले 4513 एक्टिव मामला हे। उहचे 2 लाख 89 हजार 708 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3647 लोगन मन के मौत हो गे हे।
