Corona: देश म बीते 24 घंटा म बाढ़ गे 44 हजार ले जादा नवा मरीज, पढो पूरा खबर

जय जोहार…. देश म पिछिले 24 घंटा म कोरोना (corona) के 44 हजार ले जादा नवा मामला के पहचान होय हे। जबकि इलाज के दौरान 547 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 44879 नवा मरीज मिले हे। एला मिला के कोरोना संक्रमित मरीज मन के संख्या ह 87 लाख 28 हजार 795 हो गे हे। जेमा ले 4 लाख 84 हजार 547 एक्टिव मामला हे।
उहचे 81 लाख 15 हजार 580 लोगन मन ह कोरोना (corona) ल मात दे दे हे, जेखर बाद ओ मन ल अ्स्पताल ले डिस्चार्ज कर दे गे हे। ए वायरस ले देश म अब तक 1 लाख 28 हजार 668 लोगन मन के मौत हो गे हे।