Corona: प्रदेश म पिछिले 24 घंटा म मिले हे 1817 नवा मरीज, राजधानी म घलो 155 पाजिटिव
जय जोहार…. प्रदेश म पिछिले 24 घंटा म कोरोना (corona) के 1817 नवा मरीज के पहचान होय हे। उहचे 1709 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 20 लोगन मन के मौत हो गे हे।
पिछिले 24 घंटा म जेन कोरोना (corona) के नवा मरीज मिले हे, ओमा रायगढ़ ले 215, जांजगीर-चांपा ले 169, रायपुर ले 155, बिलासपुर ले 136, राजनांदगांव ले 125, कोरबा अऊ बालोद ले 123-123, बलौदाबाजार ले 94, दुर्ग ले 82, धमतरी ले 66, गरियाबंद ले 53, बेमेतरा ले 51, दंतेवाड़ा ले 44, बस्तर, मुंगेली अऊ सरगुजा ले 36-36, कांकेर ले 34 मरीज शामिल हे।
बता देन कि प्रदेश म कोरोना संक्रमित मरीज मन के संख्या ह 2 लाख 7 हजार 740 हो गे हे। जेमा ले 20 हजार 61 एक्टिव मामला हे। उहचे 1 लाख 85 हजार 152 लोगन मन ह कोरोना (corona) ल मात दे दे हे, जेखर बाद ओ मन ल अ्स्पताल ले डिस्चार्ज कर दे गे हे। ए वायरस ले प्रदेश म अब तक 2527 लोगन मन के मौत हो गे हे।
