Corona: छत्तीसगढ़ म देर रात मिलिस कोरोना के अउ 47 नवा मामला, राजधानी म एक दिन म होइस 105 नवा मरीज के पहचान
जय जोहार…. प्रदेश म मंगलवार देर रात कोरोना (corona) के अउ 47 नवा मरीज मिले हे।
एला मिला के प्रदेश म मंगलवार के कुल 360 नवा मरीज के पहचान होय हे। उहचे 222 मरीज मन ल बने होय के बाद डिस्चार्ज कर दे गे हे।
जबकि पांच लोगन मन के मौत हो गे हे।
देर रात मिले नए कोरोना संक्रमित मन म रायपुर ले 32, दुर्ग ले 12, बेमेतरा, महासमुंद अउ आन राज्य ले 1-1 मरीज शामिल हे।
एखर पहिले देर शाम तक मिले कोरोना (corona) के मरीज म ले रायपुर ले 73, दुर्ग ले 47, रायगढ़ ले 28, राजनांदगांव ले 18, बिलासपुर ले 17, कोंडागांव ले 15, दंतेवाड़ा ले 14, कांकेर ले 12, नारायणपुर, जांजगीर अउ बेमेतरा ले 11-11, बलौदाबाजार ले 8, बस्तर अउ सुकमा ले 7-7, सूरजपुर, बीजापुर अउ महासमुंद ले 5-5, धमतरी, बालोद, गरियाबंद अउ मुंगेली ले 2-2, कोरिया अउ आन राज्य ले 1-1 मरीज शामिल रिहिस।
बता देन कि राज्य म कोरोना (corona) मरीज मन के कुल संख्या ह 12985 हो गे हे। जेमा ले 3642 एक्टिव मामला हे।
उहचे 9239 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म 104 लोगन मन के जान चले गे हे।
