बेमेतरा म काली ले 48 घंटा के पूर्ण लॉकडाउन, सिर्फ मेडिकल अऊ पेट्रोल पंप ल छूट

जय जोहार…. पूरा देश म तीन मई तक लॉकडाउन घोसित हे, लेकिन ग्रीन जोन म बने रहे बेमेतरा म 48 घंटा के पूर्ण लॉकडाउन होही, जेन एक मई शाम पांच बजे ले तीन मई के शाम पांच बजे तक रही। लोग मन के लापरवाही ल देखत हुए ये कदम उठाय गे हे।

बता देन कि बेमेतरा म 25 अप्रैल ले पान, गुटखा, सिनेमा आदि ल छोड़ के आवश्यक सामग्री के दुकान ह शाम चार बजे तक खोले जात हे। एखर बावजूद लोग मन के भीड़ ह शाम के बाद घलो इकट्‌ठा होय ल लगिस। जेला देखत हुए कलेक्टर ल ये आदेश जारी करे ल पड़िस। अब नवा आदेश के मुताबिक पेट्रोल, मेडिकल अऊ एलपीजी गोदाम ल छोड़ के बाकी सब्जी अऊ किराना की दुकान 48 घंटा बर बंद रही।