corona : प्रदेस म आज सामने आय हे कोरोना के 48 नवा मामला, रईपुर म घलो 2 पॉजिटिव

जय जोहार… (corona) प्रदेस म आज कोरोना के 48 नवा मरीज सामने आय हे। उहें 75 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के जान चले गेहे।

प्रदेस म आज जेन कोरोना (corona) के नवा मरीज मिले हे, ओमा रईपुर ले 2, धमतरी ले 4, बिलासपुर ले 5, रायगढ़ ले 2, कोरबा ले 11, जांजगीर-चांपा ले 3, कोरिया ले 5, बलरामपुर ले 3, जशपुर ले 5, बस्तर ले 1, सुकमा ले 3, कांकेर ले 4 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 043 हो गे हे, जेमा ले 931 एक्टिव मामला हे। उहें 9 लाख 89 हजार 560 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13552 मरीज के जान चले गे हे।