Raipur : सीएम ह रईपुर के भाठागांव म अंतर्राज्यीय बस टर्मिनल परिसर के करीन लोकार्पण, पढ़व
जय जोहार…. (Raipur ) देस के पूर्व प्रधानमंत्री स्व. राजीव गांधी के जयंती के अवसर म आज प्रदेस के मुख्यमंत्री भूपेश बघेल ह रईपुर के भाठागांव म करीबन 49 करोड़ रुपिया के लागत ले नवनिर्मित श्री बालाजी स्वामी ट्रस्ट श्री दूधाधारी मठ अंतर्राज्यीय बस टर्मिनल परिसर के लोकार्पण करीन। वो हा ए अवसर म रईपुर के जीवनदायनी खारून नदी के जल ल प्रदूसण ले बचाय बर 6 एम.एल.डी. सिवरेज ट्रीटमेंट प्लांट के लोकार्पण घलो करीन।
(Raipur) ए अवसर म सीएम बघेल ह किहीन कि कोनो घलो सहर के बस स्टेंड, बाजार, हास्पिटल, स्कूल-कॉलेज, मॉल, विकास काम ओखर पहिचान होवत हे। रईपुर सहर म घलो बूढ़ा तालाब के सौंदर्यकरण अउ जवाहर मार्केट के पुनः निर्माण जइसे कतकोन काम ह एला नवा पहिचान दीन हे। ए अंतर्राज्यीय बस टर्मिनल के बने ले रईपुर सहर म सार्वजनिक बस परिवहन ल सु-व्यवस्थित अउ यात्री मन बर सुगम बनाय म मदद मिलही।
ए कारीकरम म प्रदेस के स्कूल शिक्षा मंत्री प्रेमसाय सिंह टेकाम, आवास अउ पर्यावरण मंत्री मोहम्मद अकबर, उद्योग मंत्री कवासी लखमा, महिला अउ बाल विकास मंत्री अनिला भेड़िया, राज्यसभा सांसद छाया वर्मा, संसदीय सचिव विकास उपाध्याय, छत्तीसगढ़ गृह निर्माण मंडल के अध्यक्ष कुलदीप जुनेजा, (Raipur) रईपुर दक्षिण के विधायक बृजमोहन अग्रवाल, नगर पालिक निगम रईपुर के सभापति प्रमोद दुबे, नगर पालिक निगम रईपुर के नेता प्रतिपक्ष श्रीमती मिनल चौबे ह उपस्थित रिहीन।
