Corona: देश म 24 घंटा म कोरोना के 48861 नवा मामला के होइस पहचान, 705 लोगन मन के हो गे मौत
जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। पिछिले 24 घंटा म कोरोना के 48661 नवा मामला के पहचान होय हे।
ए दौरान 705 लोगन मन के मौत हो गे हे। केंद्रीय स्वास्थ्य मंत्रालय ले जारी आंकड़ा के मुताबिक देश में कोरोना (corona) संक्रमित मरीज मन के कुल संख्या ह 13 लाख 85 हजार 522 पहुंच गे हे।
जेमा ले 4 लाख 67 हजार 882 एक्टिव मामला हे। उहचे 8 लाख 85 हजार 577 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।
ए वायरस ले देश म अब तक 32063 लोगन मन के मौत हो गे हे। कोरोना (corona) संक्रमण ले सबले जादा प्रभावित महाराष्ट्र राज्य हे।
ए राज्य म कोरोना के 3 लाख 66 हजार 368 मामला सामने आ चुके हे। जबकि एक लाख 45 हजार 481 सक्रिय मामला हे।
उहचे 2 लाख 7 हजार 194 लोगन मन ह बने होय के बाद अपन घर लहुट चुके हे। ए राज्य म कोरोना ले 13389 लोगन मन के मौत हो गे हे।
