50 परिवार मन ह एक हैण्ड पम्प म हवय निर्भर 

जगदलपुर । शहर के दलपत सागर वार्ड म एक हिस्सा अइसे हे जिहां रहइया करीब 50 परिवार मन ह पीये के पानी समेत निस्तारी बर संघर्ष करत हवय। अउ अपन समय पानी के पूर्ति बर गंवा देवत हे।
जानकारी के अनुसार ये वार्ड म स्थित आईएचएसडीपी आवास म करीब 50 परिवार रहत हे अउ ये परिवार मन ल प्रतिदिन मोहल्ला म लगे हुए एक ठन हैंण्डपंप ले पानी मिलत हे। ये स्थिति म ये हैण्डपंप म रोजे विवाद के स्थिति बनत रहिथे। एती परिवार मन ह पानी के कम मात्रा म पूर्ति होय ले परेसान होय बर पड़त हे।