Corona: देश म पिछिले 24 घंटा म बाढ़ गे कोरोना के 50 हजार ले जादा नवा मामला

जय जोहार…. देश म बीते 24 घंटा म कोरोना (corona) के 50 हजार ले जादा नवा मरीज मन ह सामने आय हे। जबकि इलाज के दौरान 704 लोगन मन के मौत हो गे हे।
केन्द्रीय स्वास्थ्य मंत्रालय से जारी आंकड़ा के मुताबिक देश म बीते 24 घंटा म कोरोना के 50209 नवा मरीज के पहचान होय हे। एला मिला के देश म कोरोना (corona) संक्रमण के मामला ह बाढ़ के 83 लाख 64 हजार 086 पहुंच गे हे।
जेमा ले 5 लाख 27 हजार 962 एक्टिव मामला हे। उहचे 77 लाख 11 हजार 809 लोगन मन ह बने होय के बाद अपन घर लहुट चुके हे। ए वायरस ले देश म अब तक 124315 लोगन मन के मौत हो गे हे।