गुजरात ले छत्तीसगढ़ पहुंचीन 521 मजदूर, मुख्यमंत्री भूपेश बघेल के जताये हे आभार

जय जोहार…. मुख्यमंत्री भूपेश बघेल के निर्देशन म छत्तीसगढ़ के प्रवासी मजदूर मन ल दूसर राज्य लाये के सिलसिला ह जारी हे। जांजगीर-चांपा जिला के 521 मजदूर मन ल लेके गुजरात ले स्पेशल ट्रेन ह चांपा रेलवे स्टेशन पहुंचिस। लॉकडाउन म फंसे सब्बो श्रमिक मन ह अपन गृह जिला जांजगीर चांपा पहुंचे म मुख्यमंत्री भूपेश बघेल ल धन्यवाद दिन अऊ ओखर आभार जताइस। जिला प्रशासन के तरफ ले चांपा रेलवे स्टेशन म पू‌र्व ले मजदूर मन बर भोजन, पेयजल अऊ स्वास्थ्य जांच के व्यवस्था ल सुनिश्चित कर ले गे रहिस।

रेलवे स्टेशन म ट्रेन म सवार सब्बो 521 श्रमिक मन ल स्वल्पाहार अऊ पेयजल उपलब्ध कराये गिस। एखर बाद दु-दु बोगी के अंतराल म श्रमिक मन ल ट्रेन ले उतार के सोशल डिस्टेंसिंग के पालन करत हुए स्वास्थ्य विभाग के स्टाल म थर्मल स्कैनिंग अऊ स्वास्थ्य जांच करे गिस। एखर बाद श्रमिक मन ल ओखर विकासखंड वार बस मे बइठा के तय क्वारेंटाइन सेंटर बर रवाना करे गिस।