ए सती कलेक्टर ह मुख्य सचिव ल लिखिन पत्र, पढ़ो पूरा खबर

जय जोहार…. कलेक्टर जयप्रकाश मौर्य ह जिला के सीमा म प्रवासी यात्री मन के अत्याधिक दबाव अऊ संक्रमण के संभावना ल देखत हुये मुख्य सचिव आरपी मंडल ल पत्र लिखे हे।

पत्र म लिखे हे कि राजनांदगांव जिला के महाराष्ट्र अऊ मध्यप्रदेश के संग लंबा सीमा ह लगत हे। जिला म कुल छह चेक पोस्ट हे। जेमा मुख्य बागनदी चेक पोस्ट म वाहन के आवागमन ह अधित होत हे। बागनदी चेक पोस्ट ह राष्ट्रीय राजमार्ग क्रमांक 6 म स्थित हे।

ए चेक पोस्ट म रोज लगभग 10 ले 15 हजार लोगन मन ह प्रवेश करत हे। पिछले तीन-चार दिन म एखर संख्या ह बड़ अकन बाढ़ीस हे। भविष्य म एखर संख्या ह अऊ बाढ़े के संभावना हे। महाराष्ट्र अऊ गुजरात परिवहन विभाग के बस अऊ ट्रक के माध्यम ले यात्री मन ल बागनदी चेक पोस्ट के पास उतार दे जात हे। जेखर ले सरलघा बागनदी चेक पोस्ट म हजारों लोगन मन के भीड़ एकत्र होवत हे। एखर सती जिला म संक्रमण के खतरा ह बाढ़ गे हे।

सीमा म अवइया यात्री ह छत्तीसगढ़, झारखंड, बिहार, उड़ीसा अऊ पश्चिम बंगाल के रहवइया हे। जेमा ले केवल 20 फीसद यात्री ह छत्तीसगढ़ के रहवइया हे। ए प्रवासी यात्री मन के सुरक्षित परिवहन बर संबंधित राज्य सरकार के संग समन्वय के आवश्यकता हे। ए प्रवासी यात्री मन के परिवहन बर बस के जरूरत होही, जेखर भार ह राज्य सरकार म आही। उचित होही कि आन राज्य के निवासी मन के परिवहन व्यय के भार ल संबंधित राज्य सरकार ह वहन करे। ए संबंध म पर्याप्त बस उपलब्ध कराये के अनुरोध करे हे।