Corona: प्रदेश म पिछिले 24 घंटा म होय हे 530 नवा मरीज के पहचान, राजधानी म घलो 50 पाजिटिव
जय जोहार…. प्रदेश म बीते 24 घंटा म कोरोना (corona) के 530 नवा मामला ह सामने आय हे। उहचे 623 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।
बीते 24 घंटा म जेन कोरोना (corona) के नवा मरीज मिले हे, ओमा जांजगीर-चांपा ले 65, रायगढ़ ले 58, रायपुर ले 50, बालोद ले 46, राजनांदगांव ले 39, दंतेवाड़ा ले 29, कोरबा ले 27, दुर्ग ले 26, जशपुर अऊ सरगुजा ले 22-22, महासमुंद ले 20, कोंडागांव ले 16, बलरामपुर अऊ कांकेर ले 15-15 नवा मरीज शामिल हे।
बता देन कि प्रदेश म कोरोना (corona) संक्रमित मरीज मन के संख्या ह 2 लाख 10 हजार 534 हो गे हे। जेमा ले 19087 एक्टिव मामला हे। उहचे 1 लाख 88 हजार 869 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2578 लोगन मन के मौत हो गे हे।
