corona : छत्तीसगढ़ म फेर कोरोना के 57 नवा मरीज के होइस पुष्टि, रायपुर म घलो मिले हे तीन संक्रमित

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म मंगलवार के कोरोना संक्रमित 57 नवा मरीज मन ह मिले हे। आज जेन नवा मरीज ह मिले हे, ओमा बलरामपुर अऊ राजनांदगांव ले 9-9, जांजगीर-चांपा अऊ सरगुजा ले 6-6, दुर्ग, महासमुंद अऊ रायगढ़ ले 5-5, रायपुर, कांकेर अऊ नारायणपुर ले 3-3 अऊ बलौदाबाजार ले एक मरीज शामिल हे।
बता देन प्रदेश म कोरोना (corona) के कुल संक्रमित मरीज मन के संख्या 2359 हो गे हे। जबकि एक्टिव मामले ह 820 हे। ऊहचे 1527 मरीज ह कोरोना (corona) ल मात दे के अपन घर लहुट चुके हे।