रायपुर. लोकसभा चुनाव के पहिली चरन म 11 अप्रैल के छत्तीसगढ़ के बस्तर सीट म वोटिंग सुबह सात बजे ले सुरू होईस. नक्सल प्रभावित ये सीट म सांतिपूर्ण मतदान कराना सासन-प्रसासन बर चुनऊती रिहिस हे. एंटी नक्सल ऑपरेशन के डीजी गिरधारी नायक के कहिना हे के पूरा संसदीय क्षेत्र म सांतिपूर्ण मतदान होईस.येखर बाद रात करीब 8 बजे मुख्य निर्वाचन पदाधिकारी ह मतदान प्रतिसत के आंकड़ा जारी करिन.
छत्तीसगढ़ के मुख्य निर्वाचन पदाधिकारी सुब्रत साहू ह पत्रकार मन ले चर्चा म कहिन के, बस्तर संसदीय क्षेत्र म संझा पांच बजे तक 57 फीसदी वोटिंग होईस हे. मतदान के समय सीमा समाप्त होय के बाद घलोक कतको केन्द्र मन म मतदाता मन के लाइन रिहिस हे. अइसे म मतदान के अंतिम आंकड़ा आए ले प्रतिशत बढ़ही. बस्तर संसदीय क्षेत्र के कोंटा विधानसभा क्षेत्र म सबले कम 28.34 प्रतिशत वोटिंग होईस हे. जबकि सबले ज्यादा बस्तर विधानसभा क्षेत्र म 70.73 प्रतिशत मतदान होइस हे. कोंटा विधानसभा राज्य सरकार म मंत्री कवासी लखमा के निर्वाचन क्षेत्र हे. कोंटा बस्तर संसदीय क्षेत्र के घोर नक्सल प्रभावित इलाका म ले एक हे.
मुख्य निर्वाचन पदाधिकारी ह बताइन के, बस्तर संसदीय क्षेत्र के कोण्डागांव विधानसभा क्षेत्र म 56.45 प्रतिशत, नारायणपुर म 37.92 प्रतिशत, बीजापुर म 41.73 प्रतिशत, जगदलपुर म 67.28 प्रतिशत, चित्रकोट म 65.98 प्रतिशत, दंतेवाड़ा म 43.63 प्रतिशत वोटिंग होईस हे. बिहनिया ले ही वोटिंग बर मतदाता मन म उत्साह देखे बर मिलिस.
Other Articles
लोकसभा चुनाव….‘मोदी-मोदी’ चिल्लाए म खुलही दरवाजा
पति के मउत अउ नक्सली मन के धमकी ले नई डिगिस हऊसला
No Comment! Be the first one.