corona ह तोड़िस सबो रिकॉर्ड, प्रदेश म बीते 24 घंटा म होय हे 576 नवा मरीज के पहचान

जय जोहार…. छ्त्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। इतवार देर रात के कोरोना के अउ 150 नवा मरीज मिले हे।

जेमा राजनांदगांव ले 42, दुर्ग ले 41, बालोद ले 33, रायपुर ले 16, कबीरधाम ले 6, महासमुंद अउ सुकमा ले 5-5, रायगढ़ ले 2 मरीज शामिल हे। उहचे इलाज के दौरान एक मरीज के जान चले गे हे।

देर रात मिले कोरोना (corona) के नवा मरीज मन के संग इतवार के कुल 576 नवा मरीज सामने आय हे।

बता देन कि राज्य म कोरोना (corona) संक्रमित मन के संख्या ह बाढ़ के 15621 पहुंच गे हे। जेमा ले 5244 एक्टिव मामला है। उहचे 10235 लोगन मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 142 लोगन मन के मौत हो गे हे।