cm भूपेश बघेल ह केंद्रीय मंत्री हरदीप सिंह पुरी ल लिखे हे पत्र, करिन ये आग्रह
जय जोहार…. सीएम (cm) भूपेश बघेल ह केन्द्रीय राज्यमंत्री (स्वतंत्र प्रभार) हरदीप सिंह पुरी ल पत्र लिखे हे।
एमा सीएम बघेल ह स्मार्ट सिटी मिशन के सफल क्रियान्वयन बर स्मार्ट सिटी लिमिटेड के संचालक मंडल म महापौर ल घलो शामिल करे के आग्रह करे हे।
सीएम (cm) बघेल ह पत्र म केंद्रीय मंत्री पुरी ल आजादी के तिहार म देश के 74वां स्वतंत्रता दिवस के शुभकामना देवत हुये ओखर धियान ल केंद्र सरकार के महत्वकांक्षी योजना स्मार्ट सिटी मिशन के क्रियानवयन के ओर दिलाये हे।
एमा सीएम (cm) ह अवगत कराये हे कि भारत सरकार के तरफ ले चयनित 100 शहर म स्मार्ट सिटी मिशन के क्रियान्वयन बर विशेष प्रायोजन यान, जो स्मार्ट सिटी लिमिटेड के नाम ले पंजीकृत हे, के माध्यम ले कराये जावत हे।
स्मार्ट सिटी लिमिटेड के संचालक मंडल म स्मार्ट सिटी मिशन के दिशा-निर्देश के अनुसार केवल प्रशासनिक अधिकारी मन ल रखे गे हे,
लेकिन संचालक मंडल म जनप्रतिनिधि मन के शामिल नई होय के सती असंतोष व्यक्त करत हुये संचालक मंडल म प्रतिनिधित्व के मांग करे जावत हे।
