corona : प्रदेस म आज होय हे कोरोना के 58 नवा मरीज के पहचान, रईपुर म घलो 19 पॉजिटिव

जय जोहार। (corona) प्रदेस म आज कोरोना के 58 नवा मरीज सामने आय हे। उहें 21 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 10, राजनांदगांव ले 6, बेमेतरा ले 3, कबीरधाम ले 3, रईपुर ले 19, बलौदाबाजार ले 2, महासमुंद ले 1, बिलासपुर ले 3, रायगढ़ ले 2, कोरबा ले 4, सरगुजा ले 2, कोरिया ले 2, बलरामपुर ले 1 सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 52 हजार 775 होगे हे, जेमा ले 232 एक्टिव मामला हे। उहें 11 लाख 38 हजार 508 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14035 मरीज के मउत हो गेहे।