corona : देस म बीते 24 घंटा म सामने आय हे कोरोना के 58 हजार नवा मरीज, पढ़व

जय जोहार…. (corona) देस म बीते 24 घंटा म कोरोना के 58 हजार ले जादा नवा मामला के पहचान होय हे। उहें 87 हजार 619 मरीज ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान 1576 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 58 हजार 419 नवा मरीज मिले हे, एला मिला के देस म कोरोना संक्रमित मन के संख्या ह 2 करोड़ 98 लाख 81 हजार 965 हो गे हे। जेमा ले 7 लाख 29 हजार 243 एक्टिव मामला हे।

उहें 2 करोड़ 87 लाख 66 हजार 009 मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 86 हजार 713 मरीज के मौत हो गे हे।