धमतरी. जिले के एनएच 30 म कुरुद के पास आज बिहनिया कार अउ टैंकर म भिड़ंत हो गे। टक्कर अतेक जबरदस्त रिहिस हे कि कार कर परखच्चे उड़ गे। ये भीषण सड़क हादसा म 6 झन युवक के मउत हो गे। कार सवार जम्मो झन युवक मन ह मध्यप्रदेश के रहईया ये।
अइसे जानकारी मिले हाबय कि धमतरी एनएच 30 म कुरुद के पास वेगन आर कार, बाइक अउ तेल टैंकर म टक्कर हो गे. टक्कर अतेक जोरदार होइस कि बाइक ह घिसटावत बहुत दूर तक चले गिस अउ कार के परखच्चा उड़ गे। ये हादसा म तीन युवक के मौका म ही मउत हो गे अउ तीन झन ल गंभीर हालत म कुरूद के अस्पताल म भरती कराए गिस, जिहां इलाज के दउरान तीनों के मउत हो गे। मृतक मन के नाम परीक्षित पाल, शुभम द्विवेदी, राजा सरकार, नंदू गुप्ता, अभिषेक जायसवाल अउ ताहिर कुरैशी हे। ये सब्बो झन मध्यप्रदेश के अनुपपुर के रहइया ये। पुलिस ह शव ल पोस्टमार्टम बर भेज दे हे।
No Comment! Be the first one.