जय जोहार….. (Raipur) जिला कौशल विकास प्राधिकरण रायपुर के तरफ ले मार्च महिना म 6 रोजगार सह कौशल मेला के आयोजन करे जाही। ए मेला ह 8 मार्च ले 25 मार्च तक अलग-अलग तारिख म लगही।
8 मार्च के लाईवलीहुड कालेज जोरा (Raipur) म आयोजित रोजगार मेला ह महिला मन बर होही। सबो मेला ह बिहनिया 11 बजे ले दोपहर 4 बजे तक आयोजित करे जाही। आवेदक ह शैक्षणिक योग्यता, निवास प्रमाण पत्र या आधार कार्ड अऊ पासपोर्ट साईज फोटो के संग उपस्थित होके लाभ उठा सकत हे।
संकल्प परियोजना के तहत 11 मार्च के आईआईटी सड्डू रायपुर (Raipur), 15 मार्च के आईआईटी धरसींवा, 18 मार्च के आईआईटी आरंग, 22 मार्च के आईआईटी अभनपुर अऊ 25 मार्च के आईआईटी तिल्दा म रोजगार सह कौशल मेला के आयोजन करे जाही।
ए होवइया रोजगार सह कौशल मेला म निजी प्रतिष्ठान म रोजगार बर साक्षात्कार ले जाही। एखर आलावा शासकीय स्व रोजगार मूलक योजना के बारे म जानकारी अऊ आवेदन के संबंध म घलो बताये जाही।
