corona : प्रदेस म 24 घंटा म मिले हे कोरोना के 61 नवा मरीज, पढ़व
जय जोहार… (corona) प्रदेस म बीते 24 घंटा म कोरोना के 61 नवा मरीज सामने आय हे। उहें 173 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।
प्रदेस म जेन कोरोना (corona) के नवा मरीज मिले हे, ओमा दुर्ग ले 3, बेमेतरा ले 2, रईपुर ले 11, महासमुंद ले 3, बिलासपुर ले 7, रायगढ़ ले 2, कोरबा ले 3, मुंगेली ले 1, सरगुजा ले 5, कोरिया ले 1,सूरजपुर ले 1, बलरामपुर ले 6, जशपुर ले 5, बस्तर ले 2, कोंडागांव ले 1, नारायणपुर ले 8 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 51 हजार 486 होगे हे, जेमा ले 719 एक्टिव मामला हे। उहें 11 लाख 36 हजार 735 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14032 मरीज के जान चले गेहे।
