जय जोहार…. छत्तीसगढ़ म कोरोना संक्रमित मरीज मन के संख्य ह कम होय के नाम नई लेवत हे। शुक्रवार के एक बार फेर कोरोना संक्रमित 63 नवा मरीज के पहचान होय हे। एखर संग प्रदेश म सक्रिय मरीज मन के संख्या ह बाढ़ के 628 हो गे हे।
आज दोपहर तक मिले 63 नवा मरीज म ले कोरबा ले 40, रायगढ़ ले 13, रायपुर ले तीन, राजनांदगांव ले 2, बलौदाबाजार ले 3, बलरामपुर अऊ कोरिया ले एक-एक मरीज शामिल हे। सब्बो जिला प्रशासन ल सूचित कर मरीज मन ल कोविड 19 अस्पताल म भर्ती करे के प्रक्रिया ह जारी हे।
बता देन कि प्रदेश म अब कोरोना संक्रमित मन के संख्या ह बाढ़ के 836 हो गे हे। जेमा ले सक्रिय मरीज मन के संख्या ह 628 हे। ऊहचे 206 लोगन मन ह स्वस्थ होके अपन घर लहुट चुके हे।
No Comment! Be the first one.