जय जोहार रायपुर… मोना सेन के चर्चा आज भले ही छत्तीसगढ़ी सिनेमा में जादा न होत हो लेकिन एक समय रिहिस जब मोना सेन अपन अभिनय अऊ डांस ले सब ल मंत्रमुग्ध कर देत रिहिस ओखर उदहारण हे ये एल्बम मयारू जोड़ी के गीत… टनाटन हे टुरी . ये गीत ल यू ट्यूब म अब तक लाखो लोगन मन देख चुके हे .
आज ले पंद्रह साल पहिली जब छत्तीसगढ़ म अलबम के दौर रिहिस तब के ये गीत आय अऊ वो समय ये गीत के बोल हर कोई के जबान म रहाय . मोना ह किहिस कि ओखर द्वारा अभिनीत सैकड़ो गीत हे जेला छत्तीसगढ़ म खूब पसंद करे जाथे ये गीत घलो उही समय के आय , मोना तोर दीवाना गीत के बारे म मोना ह किहिस कि छत्तीसगढ़ के वो समय के कई ठन गीत आज भी गुनगुनाय जाथे एखर कारण हमर बोली के मिठास हे .
चर्चा में मोना ह किहिस कि अभी वो ह समाज सेवा के काम म व्यस्त हे अऊ जल्द ही वो ह कम बेक करही .
