corona : प्रदेस म आज मिले हे कोरोना के 64 नवा मामला, रईपुर म घलो 8 पॉजिटिव

जय जोहार… (corona) प्रदेस म आज कोरोना के 64 नवा मामला के पहिचान होय हे। उहें 127 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, राजनांदगांव ले 1, रईपुर ले 8, धमतरी ले 1, बलौदाबाजार ले 3, महासमुंद ले 1, गरियाबंद ले 1, बिलासपुर ले 6, रायगढ़ ले 4, कोरबा ले 3, जांजगीर-चांपा ले 4, सरगुजा ले 2, कोरिया ले 2, बलरामपुर ले 2, जशपुर ले 5, बस्तर ले 5, दंतेवाड़ा ले 1, सुकमा ले 6, कांकेर ले 4, बीजापुर ले 3 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 934 हो गे हे, जेमा ले 974 एक्टिव मामला हे। उहें 9 लाख 89 हजार 411 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13549 मरीज के जान चले गे हे।