raipur: व्यवसायी के दुकान ले 67 लाख रूपिया हो गे पार, शटर तोड़ के चोरी ल दिस अंजाम

जय जोहार…. रायपुर (Raipur) के एक व्यवसायी के दुकान ले शटर तोड़ के चोर ह 67 लाख रूपिया पार कर दे हे। व्यवसायी ह चोरी के रिपोर्ट मोदहापारा थाना म दर्ज करइस।

मिले जानकारी के मुताबिक ए व्यवसायी के (Raipur) शहीद स्मारक काम्प्लेक्स म हरिओम एंजेसी नाम के दुकान हे। शुक्रवार के शाम सात बजे विश्वनाथ के पिता अऊ दुकान के कर्मचारी खेमचंद ह दुकान के शटर म ताला लगा के घर चले गे रहिस।

आज बिहिनिया 9 बजे आसपास दुकान वाला ह फोन कर के ओखर दुकान के ताला टूटे होय के जानकारी दिस। (Raipur) घटना के शिकायत के बाद मालिक विश्वनाथ ह मउके पर पहुंचिस। दुकान के अंदर जा के ओ हा देखिन कि काउंटर अऊ अलमारी के लॉकर ह टूटा हे।

लॉकर के अंदर रखे 67 लाख 20 हजार रूपिया गायब रहिस। एखर बाद ओ हा मोदहापारा थाना म चोरी के रिपोर्ट दर्ज करइस।