जय जोहार…. (chhattisgarh) स्वास्थ्य विभाग ह होम आइसोलेशन म रहत मरीज मन के निगरानी करत निजी अस्पताल, नर्सिंग होम अऊ डॉक्टर मन ल मरीज ले संबंधित जानकारी अऊ ओखर होम आइसोलेशन के समाप्ति के सूचना ल जिला के मुख्य चिकित्सा अऊ स्वास्थ्य अधिकारी ल उपलब्ध कराय के निर्देश दे हे। ए संबंध म विभाग के तरफ ले सबो जिला के मुख्य चिकित्सा अऊ स्वास्थ्य अधिकारी, निजी अस्पताल, नर्सिंग होम के संचालक अऊ डॉक्टर मन ल परिपत्र जारी करे गे हे।
जारी परिपत्र म कहे गे हे कि राज्य (chhattisgarh) शासन के तरफ ले कोविड-19 के मरीज मन ल तय मापदंड के अनुरूप होम आइसोलेशन के इजाजत प्रदान करे गे हे। कोरोना संक्रमित मन के तरफ ले शासकीय सुविधा के अतिरिक्त निजी अस्पताल, नर्सिंग होम अऊ निजी डॉक्टर ले समन्वय कर तय दिशा-निर्देश के अनुरूप होम आइसोलेशन म उपचार प्राप्त करे जावत हे।
(chhattisgarh) ए संबंध म ये तथ्य ह संज्ञान म आय हे कि कुछु निजी अस्पताल अऊ डॉक्टर मन के तरफ ले मरीज मन के दैनिक रिकार्ड जईसे तापमान, आक्सीजन लेवल, मरीज के लक्षण अऊ होम आइसोलेशन के अवधि के समाप्ति के जानकारी ल संकलित कर साझा नई करे जावत हे।
