Corona: छत्तीसगढ़ म फेर होय हे कोरोना के 67 नवा मरीज के पुष्टि, 82 मरीज मन ह जीतिस कोरोना ले जंग

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म सोमवार के कोरोना संक्रमित 67 नवा मरीज मन ह मिले हे।

ऊहचे 82 मरीज मन ह कोरोना ले जंग जीत गे हे। जेखर बाद ओ मन ल प्रदेश के अलग-अलग कोविड-19 अस्पताल ले डिस्चार्ज कर दे गे हे।
आज जेन कोरोना (corona) के नवा मरीज मिले हे, ओमा जशपुर ले 25, दुर्ग ले 9, गरियाबन्द ले 6, रायपुर अउ राजनांदगांव ले 5-5, महासमुंद अउ रायगढ़ ले 3-3, बेमेतरा, दंतेवाड़ा अउ सुकमा ले 2-2, कबीरधाम, कोरबा, नारायणपुर, जाजंगीर अउ बालोद ले एक-एक मरीज शामिल हे।
बता देन कि प्रदेश में कोरोना (corona) संक्रमण के मामला ह बाढ़ के 2761 हो गे हे। जबकि एक्टिव मरीज मन के संख्या ह 598 पहुंच गे हे। ऊहचे 2150 मरीज ह स्वस्थ हो के अपन घर लहुट चुके हे। ए वायरस ले प्रदेश म अब तक 13 लोगन मन के मौत हो गे हे।