corona: देश म बीते 24 घंटा म बाढ़ीस कोरोना के 67 हजार ले जादा नवा मरीज, 1059 लोगन मन के हो गे मौत

जय जोहार…. देश म कोरोना (corona) संक्रमित मन के संख्या म तेजी ले इजाफा होवत जावत हे। देश म बीते 24 घंटा म कोरोना के 67 हजार ले जादा नवा मामला दर्ज करे गे हे।

उहचे ए दौरान करीब 63 हजार लोगन मन ल स्वस्थ होय के बाद डिस्चार्ज कर दे गे हे। जबकि 1059 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 67151 नवा मरीज मिले हे। एला मिला के कोरोना संक्रमित मन के कुल संख्या हे 32 लाख 34 हजार 475 पहुंच गे हे।

जेमा ले 7 लाख 7 हजार 267 एक्टिव मामला है। उहचे 24 लाख 67 हजार 759 लोगन मन ल स्वस्थ होय के बाद डिस्चार्ज कर दे गे हे। ए (corona) वायरस ले देश म अब तक 59449 लोगन मन के मौत हो गे हे।