corona: धमतरी के नगरी ब्लाक में फेर मिलिस कोरोना के पांच नवा मरीज
जय जोहार…. धमतरी जिले के नगरी विकासखंड में आज कोरोना (corona) के पांच नवा मरीज मन के पहचान होय हे।
जेमा ले नगरी नगर ले तीन संक्रमित ह एक ही परिवार ले हे। उहचे ग्राम सांकरा चिवर्री अऊ ग्राम छिंदभर्री ले 1-1 मरीज शामिल हे।
मिले जानकारी के मुताबिक नगरी नगर म स्वास्थ्य विभाग के कर्मचारी ह कोरोना (corona) संक्रमित पाय गे हे। ओखर घरवाली अउ बेटी घलो संक्रमित मिले हे। तीनों के रैपिड टेस्ट म रिपोर्ट ह पाजिटिव आय हे।
उहचे सांकरा चिवर्री के 53 साल के युवक अऊ छिंदभर्री के 25 साल के युवक के आरटीपीसीआर टेस्ट म रिपोर्ट (corona) पाजिटिव आय हे। आज मिले सबो नवा संक्रमित मरीज मन ल अस्पताल म भर्ती करे के प्रक्रिया ह चलत हे।
