corona: देश म कोरोना संक्रमित मन के संख्या 30 लाख ले हो गे जादा, बीते 24 घंटा म 69239 नवा मामला

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना संक्रमित मन के संख्या ह 30 लाख ले जादा हो गे हे।

पिछिले 24 घंटा म कोरोना के 69239 नवा मामला दर्ज करे गे हे। ए दौरान 912 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मन के कुल संख्या ह बाढ़ के 30 लाख 44 हजार 941 पहुंच गे हे।
जेमा ले 7 लाख 7 हजार 668 एक्टिव मामला हे।

उहचे 22 लाख 80 हजार 567 लोगन मन ल बने होय के बाद अस्पताल ले डिस्चार्ज कर दे गे हे। ए (corona) वायरस ले देश म अब तक 56706 लोगन मन के जान चले गे हे।