जय जोहार…. cm भूपेश बघेल ह आज अपन निवास कार्यालय म कृषि महाविद्यालय अउ अनुसंधान केंद्र मर्रा के तरफ ले प्रकाशित उद्यमी कृषक मन के सफलता के कहानी अउ कृषि के क्षेत्र म सफल उद्यमी बने कृषि स्नातक मन के सफलता के कहानी पुस्तक के विमोचन करिन।
ए अवसर म डॉ ओपी परगनिया ह सीएम (cm) बघेल ल बताइस कि पुस्तक म परम्परागत कृषि के संग जैविक खेती, पशुपालन, कृषि वानिकी, मत्स्य पालन, बागवानी, अलसी, पैरा, मशरूम, पान आदि के लाभप्रद खेती करत राज्य के कृषक अउ कृषि ले जुड़े व्यावसाय म सफल होवत कृषि स्नातक मन के सफलता के कहानी ल संकलन करे गे हे।
ए अवसर पर सीएम (cm) बघेल ह ए पुस्तक ल राज्य के कृषक अउ कृषि स्नातक मन बर प्रेरणादायी बतइस। सीएम ह कृषि महाविद्यालय अउ अनुसंधान केंद्र मर्रा के अधिष्ठाता डॉ अजय वर्मा ल महात्मा गांधी उद्यानिकी अउ वानकी विश्वविद्यालय के विशेष कर्तव्यस्थ अधिकारी के पद म नवा नियुक्ति बर बधाई अउ शुभकामना दे हे। ए अवसर पर छत्तीसगढ़ खनिज विकास निगम के अध्यक्ष गिरीश देवांगन अउ कौशल चंद्राकर घलो उपस्थित रहिस।
No Comment! Be the first one.