जय जोहार…. देश भर म कोरोना संक्रमित मन के संख्या ह बाढ़त जात हे। 24 घंटा म कोरोना के कुल 6977 नवा केस सामने आय हे। जबकि 154 लोगन मन के मौत हो चुके हे। देश म नवा मामले के ए सबले जियादा आंकड़ा हे। कुल मामले के संख्या ह एक लाख 38 हजार ले जियादा हो चुके हे। त ऊहचे मौत के आंकड़ा घलो चार हजार ल पार कर चुके हे। जेखर बाद भारत ह सबले जियादा कोरोना मरीज वाला देश 10वां देश बन चुके हे। देश म महाराष्ट्र अईसे राज्य हे, जिहां सबले जियादा केस हे।
महाराष्ट्र म सोमवार बिहनिया तक 50 हजार ले जियादा केस रिपोर्ट हो चुके हे। जबकि कुल मौत के संख्या ह 1635 हे। एमा ले सिरिफ मुम्बई म ही 30 हजार केस अऊ लगभग एक हजार मौत होय हे। महाराष्ट्र म बीते दिन तीन हजार ले जियादा मामले सामने आय रहिस, त ऊहचे पचास ले जियादा लोगन मन के जान गे रहिस। गुजरात म कुल 14056 केस सामने आ चुके हे। जबकि 858 लोगन मन के मौत हो चुके हे।
Other Articles
आज ले नौतपा होइस सुरू, चलही गर्म हवा
